+++ كنيسة القديسة مارينا بشبرا الخيمة +++
اهلا و مرحبا بكم في منتدي

اسرة القديسة مارينا وماريوحنا

اذا كنت عضو في المنتدي نرجوا الدخول بعضويتك
او
اذا كنت زائرا فيمكنك التسجيل في المنتدي والمشاركة فيه

مع تحيات : اسرة منتدي القديسة مارينا وماريوحنا

لو بتفكر تشتري " لاب " ادخل هنا بسرعة

استعرض الموضوع السابق استعرض الموضوع التالي اذهب الى الأسفل

جديد لو بتفكر تشتري " لاب " ادخل هنا بسرعة

مُساهمة من طرف George Girgis في الإثنين 21 ديسمبر 2009, 8:44 pm

شرح عمل Test لــ Laptop جديد هتشتريه


- الشاشة :


شيل الخلفية الموجودة اللي عادة ما تكون مبهرة وحلوة ... خلينا في
الخلفيات الوحشة .....هات خلفيه بيضاء ولاحظ هل توجد بقع ملونة أو سوداء
...ثم خلفيه سوداء ولاحظ هل توجد نقط بيضاء أو أي ألوان أخرى
..............ثم صفراء ولاحظ هل توجد أي ألوان غير الأصفر .............
فتح الشاشة من مفاتيح الإضاءة .....لو ما تعرفش اسأل صاحبة أكيد عارف
......... إذا كانت الأرضيات البيضاء والسوداء والصفراء جيدة والإضاءة
جيدة فهذا دليل على قوة الشاشة ...لا تنس أن تنظر في أركان الشاشة جيدا
عند كلمة استارت والساعة بتاعة الوندوز ساعات بيكونوا مخبين بلاوي ......
وأخيرا أغلقها نصف غلقة وافتحها عدة مرات حتى ترى هل توجد أي اهتزازات
؟؟.................... ولا تنس أن تختبر مفصلاتها ومساميرها .... بمعنى :
هل تم تغييرها ؟؟؟ خلصت .............تعال للي بعده ....





- الكي بورد :

اختبره جيدا على أحد برامج الكتابة .....عادة الزرار الواحد مكلف ....ما
تنساش الأرقام ....استنى : أوعى تكون نسيت باقي الزارير : التاب والألت
والذي منه ...........




- الهارد ديسك :

أظن سهل جدا عمل تست له بأي برنامج اسكان ..........يا ترى بيتكتك ولا لأ
..........ها سمعت صوت بيقول ورررررررر ...............؟؟؟ لو ما سمعتش صوت
يبقى الهارد نايم الحمد لله ......




السي دي روم والدي في دي :

يفضل نسخ اسطوانة وتجربتها مرة أخرى على نفس الناسخ .... طبعا حتفتح شنطتك
وتخرج اسطوانة جايبها معاك عشان تجربها ............... وتاخد كوبي منها
على الجهاز ........... أخبار صاحب الجهاز إيه : فرقع ولا لسة ...




- اللان والفاكس والوير ليث :

حاول قدر الأمكان عمل تست لهم ...... يارب يطلعوا شغالين كويس ...



- الفيجا : " كارت الشاشة "

حاول فتح لعبة وتشغيلها عدة دقائق لتتأكد من أنها بدون مشاكل ..........
يا ترى شفت خطوط أو لخبطة ألوان أو تهنيج ؟؟؟؟؟



- عادة ما ينسى المشتري عمل تست للصوت :

شغل أي ملف صوتي وعلي الدنيا على الآخر عدة دقائق ... يا ترى السماعتين شغالين كويس
.... ركز عشان ساعات بتكون سماعة فاصلة ...............
سمعت خروشة ولا لسة ؟؟؟



- آااااااااه كنا حننسى حاجة مهمة أوي : اليو اس بي :
USB


أكيد معاك فلاشة عشان تجرب اليو اس بي واحد واحد .........اليو اس بي مهم أوي اليومين دول ...




- يارب صاحب الجهاز يكون صبور : دلوقتي حنقفل الجهاز :

وحنبص بره ........... ها شفت كسور جروح لسة جاي من المستشفى .... من تحت
بأى : المسامير في مكانها ولا مخلوعة ..........شكلها سليم ولا مهريه فك
......




- آخر حاجة :افتح الجهاز تاني وشغل الديركت اكس عشان تشوف المواصفات زي المعروض ولا لأ
start
run
dxdiag

........طبعا كل ده أكيد شغال على البطارية عشان تشوف بتقعد أد إيه
وبكل هدوء حلف صاحب الجهاز وإنت بريء :بالله عليك الجهاز ما دخلش صيانة :
حيقولك برااااااااااااااااااااااااااااااه معلش استحمله .... ما انت بصراحة متعب أوي ..............



- أي مكان لكروت زي الريدر ما تنساهاش :

طبعا معاك موبايل بكرت ميموري ..........عشان مش معقول حتكون بتشتري لاب توب ومش معاك موبايل بكاميراااااااااااااااااااااااااااااااااااااا ....



- اشرب الشاي عنده ببطء وإنت بتعمل تست عشان لو شربته بسرعة يعني خلصت تست
...لو ما عملش شاي يبقى عاوز يكروتك ...........ما تسكتش : اطلب شاي
........




- قوله حفكر وسلامو عليكو وروح بيتكو وما تستغربش لما تلاقي أصرية زرع
وقعت على دماغك من بلكونتووووووووووو ..........ما هو بصراحة ما عندكش حق
كل التست ده وما تشتريش



ولما ربنا يكرمك وتشتري : استأذنه تنزل
وندوز ................. وأوعى تطلب شاي تاني خليها في بيتكم أحسن ... إلا
لو حلفك تنزل وندوز عندهم ..............ده إكرام الضيف بالويندوز واجب







استطيع كل شىء في المسيح الذي يقويني
( فيلبي 4 : 13 )


متغيب عن كتابة ‏المواضيع لظروف الدراسة


avatar
George Girgis
مصمم المنتدي
مشرف عام البرامج
مصمم المنتدي               مشرف عام البرامج

ذكر
عدد المساهمات : 140
تاريخ التسجيل : 28/09/2009
الموقع : www.maryohanawmarina.mam9.com

http://www.maryohanawmarina.mam9.com

الرجوع الى أعلى الصفحة اذهب الى الأسفل

جديد رد: لو بتفكر تشتري " لاب " ادخل هنا بسرعة

مُساهمة من طرف فيرونيكا في الإثنين 21 ديسمبر 2009, 9:59 pm



هههههههههه حلو يا جوجو جدا
بس بعد ايه بعد ما اشتريت




[ندعوك للتسجيل في المنتدى أو التعريف بنفسك لمعاينة هذا الرابط]

ارحمنا يا يسوعى وبارك شعبك زاى ما انت قولت

+مبارك شعبى مصر+

فــــــيــــرو
avatar
فيرونيكا
مشرفة عامة للمنتدي
مشرفة عامة للمنتدي

انثى
عدد المساهمات : 534
تاريخ التسجيل : 30/09/2009
الموقع : www.maryohanawmarina.mam9.com

http://www.maryohanawmarina.mam9.com

الرجوع الى أعلى الصفحة اذهب الى الأسفل

جديد رد: لو بتفكر تشتري " لاب " ادخل هنا بسرعة

مُساهمة من طرف George Girgis في الثلاثاء 22 ديسمبر 2009, 1:13 pm

معلش بقي الموضوع اتكتب متأخر انا عارف
بس ع العموم هينفع برضه
و اعملي كل الخطوات دي وان شاء الله تتطلع النتيجة ايجابية




استطيع كل شىء في المسيح الذي يقويني
( فيلبي 4 : 13 )


متغيب عن كتابة ‏المواضيع لظروف الدراسة


avatar
George Girgis
مصمم المنتدي
مشرف عام البرامج
مصمم المنتدي               مشرف عام البرامج

ذكر
عدد المساهمات : 140
تاريخ التسجيل : 28/09/2009
الموقع : www.maryohanawmarina.mam9.com

http://www.maryohanawmarina.mam9.com

الرجوع الى أعلى الصفحة اذهب الى الأسفل

جديد رد: لو بتفكر تشتري " لاب " ادخل هنا بسرعة

مُساهمة من طرف pop101 في الثلاثاء 22 ديسمبر 2009, 2:29 pm

شكرا ليك يا جوجو موضوع رائع وانا استفد كتير
وعن قريب هستفاد اكتر
avatar
pop101
عضو مشارك

ذكر
عدد المساهمات : 33
تاريخ التسجيل : 01/10/2009

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى