صراع 0000 حزن 0000 الم

من طرف مهندس جرجس السبت 11 سبتمبر 2010, 8:25 pm

كنت اتمنى ان ابدأ الكتابة فى موضوع سعيد او موضوع شيق او موضوع يعبر عنى فى وقت غير الوقت اللى انا فيه دلوقتى لكن بما ان مفيش حته غير مدونتى الواحد يقدر يتكلم فيها ويفضفض ويطلع كل اللى عنده قررت اكتب الموضوع ده
(نخش بقى فى الموضوع ................ا )
صراع : دى اول كلمة فى عنوان البوست اللى انا بكتبه وهى فعلآ كلمة معبرة عن اول احساس بحسه كل يوم بحس انى انا فى صراع رهيب
بس للأسف العدو اللى انا بتصارع معاه عدو انا مش قادر اشوفه
هو شايفنى وعارفنى كويس ........................وانا مش قادر اشوفه

هو عارف كل نقط الضعف والقوة فيه ..........وانا لا اعرف غير حاجات بسيطه عنه

ودخلت الصراع وكل يوم مع شروق شمس جديدة يبدأ الصراع وكعادته يكون صراع ملتهب ولا اعرف متى سينتهى هذا الصراع لانفسى الذى لايشعر به غير

متى سينتهى هذا الصراع (......................) سؤال اطرحه كل يوم على نفسى ولا ادرى متى سأكتب بين هذين القوسين متى سينتهى ؟؟؟

اما عن الحزن : فحدث ولا حرج فهذة الأيام تحدث اشياء لم تكن فى الحسبان تجعلنى تعيس جدآ لدرجة لا يتخيلها احد ومشكله هذا الحزن انه حزن داخلى يعنى انا عمرى بخلى حد يحس انى حزين فى اوقات بكون هعيط ونازل من البيت وانا متنكد ومش قادر اتكلم

واول ما اقابل حد اعرفه اسارع بالأبتسام الشديد الذى يختفى ورأه اطنان من احزن ولكن ابتسم حتى لا يشعر احد بحزنى
ليس ذلك لأثبات قوة الشخصية ولكن لأنى اعرف وايقن ان من سأنقل له حزنى ليس له اى ذنب فى ذلك وأن من سأقابله بوجه عبوسآ ليس له ذنب فى حزنى حتى افعل معه هذا

وللأسف سأحتفظ بأسباب حزنى لنفسى

اما الألم : تتخيل فى اول لحظة من سماعك لكلمة الألم انه الم مادى ولكن هذة المرة انت مع الم معنوى جديد من نوع خاص لا اعرف له سبب واعتقد ان هذا الأم ناتج عن الحزن الشديد اللى اصابنى الفترة الماضية او ممكن يكون ناتج عن حاجة تانية انا فى غفله عنها الأن

ولكن هذا الألم اشعر انه يقلقنى فى منامى وينغص على حياتى ولكن دون ان يشعر احد

وفى النهاية اقول

صراع .... حزن .... الم ......كلمات تعبر عن حالتى الأن ....... ولكن دون ان يشعر احد